ՆԵՐԲԵՌՆԵԼ
Մրցույթի արդյունքները
Քննական ժամանակացույց
Քննական պահանջները
Ընդունելության տեղերն ըստ մասնագիտությունների՝
հիմնական ընդհանուր կրթությամբ/ 9-ի բազա
միջնակարգ կրթությամբ/ 12-ի բազա
Հարգելի' դիմորդ
Այս տարի Երևանի Առնո Բաբաջանյանի անվան պետերաժշտամանկավարժական քոլեջ դիմում-հայտերը ներկայացվելու են առցանց dimord.emis.am կայքում հուլիսի 31-ից օգոստոսի 8-ը ներառյալ մինչև ժամը 18։00 /հետևել քոլեջի ֆեյսբուքյան էջին՝ https://www.facebook.com/babajanyancollege և պաշտոնական կայքին՝ babajanyancollege.am նորություններին ծանոթանալու համար/։
Դիմում- հայտ ներկայացնելուց հետո, հայտագրման համակարգը կտրամադրի դիմորդին քննական թերթիկ, որտեղ նշված կլինի առաջին քննության օրը, հաջորդ քննական օրվա մասին կտեղեկանաք առաջին քննության օրը՝ քոլեջում։ Հարկավոր կլինի պատճենահանել քննական թերթիկը և դրանով համապատասխան օրը ներկայանալ քննության:
Քննության ներկայանալ քննաթերթիկում նշված ժամից 20 րոպե շուտ։
Քննության ներկայանալ՝ հայտագրման համակարգի /dimord.emis.am կայք/ ձեր էջից տպված քննական թերթիկով /առանց քննաթերթիկի դիմորդը քննության մասնակցել չի կարող/, անձը հաստատող փաստաթղթով (անձնագրով, իսկ մինչև 16 տարեկան դիմորդը՝ ծննդյան վկայականով, եթե անձնագիր չունեք, կամ զինվորական գրքույկով, կամ ՀՀ ոստիկանության բաժինների կողմից տրված համապատասխան ձևով): Անհրաժեշտ է նաև ունենալ առանձին թղթի վրա գրված ձեր անուն, ազգանունը և մասնագիտական առարկայի կատարվող ծրագիրը /կոմպոզիտորը, ստեղծագործության անվանումը/։
Երգեցողության բաժնի դիմորդները պետք է անցած լինեն բժշկական ստուգում լարինգոլոգի մոտ և տեղեկանքով ներկայանան մասնագիտության քննությանը:
Ընդունելության գործընթացին մասնակցելու համար անհրաժեշտ է կատարել 1000 /հազար/ ՀՀ դրամ վճարում ՀՀ ֆինանսների նախարարության գործառնական վարչության հետևյալ հաշվեհամարին` 900018002528 նշելով դիմորդի անուն, ազգանունը:
Քննությունների ժամանակացույցով նախատեսված օրն անհարգելի պատճառով քննությանը չներկայացած դիմորդին չի թույլատրվում մասնակցել հետագա քննություններին: Հարգելի պատճառով քննությանը չներկայացած դիմորդին, ընդունող հանձնաժողովի որոշմամբ, հնարավորություն է տրվում այն հանձնել, եթե տվյալ առարկայի քննությունները քոլեջում չեն ավարտվել:
Քոլեջը նվագակցող չի տրամադրում: Դիմորդը կարող է ներկայանալ իր նվագակցողի հետ (երկու անձ):
Երգեցողության բաժնի դիմորդներին, ֆոնոգրամա օգտագործելու դեպքում, հարկավոր է ներկայանալ կամ սեփական նվագարկիչով, կամ կրիչով ( флешка), կամ CD սկավառակով:
Լրացուցիչ տեղեկությունների համար հետևեք քոլեջի ֆեյսբուքյան էջին՝ https://www.facebook.com/ և պաշտոնական կայքին՝ babajanyancollege.am:
Հարցերի դեպքում զանգահարեք (+374)10285320, բջջ. (+374)91 781370 հեռախոսահամարներով: