26.03.2025
«Ֆիզիկական անձանց եկամուտների համատարած հայտարարագրման իրազեկման աշխատանքների կազմակերպում»
«Պետական եկամուտների կոմիտեն շարունակում է աջակցել հարկ վճարողներին և իրենց աշխատակիցներին՝ եկամուտների տարեկան հայտարարագրման մասին իրազեկվածության մակարդակի բարձրացման նպատակով։ Տեղեկացնում ենք, որ ֆիզիկական անձանց տարեկան եկամուտների հայտարարագրման վերաբերյալ իրազեկման հանդիպումներ իրականացնելու նպատակով, ՊԵԿ հարկ վճարողների սպասարկման վարչության ներկայացուցիչների կողմից կազմակերպվում են այցելություններ՝ 50 և ավելի աշխատողներ ունեցող կազմակերպություններ։ Ցանկության դեպքում HVSV3@taxservice.am էլեկտրոնային փոստի հասցեին անհրաժեշտ է ուղարկել կոնտակտային անձի տվյալները և կազմակերպության հասցեն, որտեղ պետք է իրականացվի իրազեկումը, որից հետո սպասարկման վարչության աշխատակիցները իրազեկման օրն ու ժամը հաստատելու նպատակով կապ կհաստատեն կազմակերպության հետ: Իրազեկման աշխատանքները պատշաճ իրականացնելու և համապատասխան նյութերն ու ուղեցույցները ցուցադրելու նպատակով՝ անհրաժեշտ է կազմակերպության տարածքում կահավորված դահլիճի, համակարգչի, ինտերնետի և լուսացրիչ սարքի (պրոյեկտորի) առկայություն»։
Ներբեռնել հայտարարությունը
2024-2025 ուսումնական տարվա վերաքննությունների ժամանակացույց
2024-2025 ուսումնական տարվա փոխատեղման արդյունքները
Կրթաթոշակ ստացող ուսանողներ
ՈՒՍՄԱՆ ՎԱՐՁԻ ՓՈԽՀԱՏՈՒՑՄԱՆ (ԶԵՂՉՄԱՆ) ԴԻՄՈՒՄՆԵՐԻ ԸՆԴՈՒՆՈՒՄ
Քաղվածք ՀՀ կառավարության 4 նոյեմբերի 2021 թվականի N 1784-Ն որոշումից
Ուսման վարձի փոխհատուցման պայմանները և դիմումների ընդունման ժամկետները` ստորև 14. Պետության կողմից ուսման վճարի փոխհատուցում (լրիվ կամ մասնակի (զեղչ) տրվում է, ըստ առաջադիմության, առկա ուսուցմամբ ուսումնառող՝ 1) ընտանիքների անապահովության սահմանային միավորից բարձր միավորներ ունեցող ուսանողներին. 2) սոցիալական աջակցություն ստացող սահմանամերձ համայնքների ուսանողներին, ընդ որում՝ սույն ենթակետի իմաստով սոցիալական աջակցություն ստացող սահմանամերձ համայնքների ուսանողներ են համարվում Հայաստանի Հանրապետության կառավարության որոշմամբ հաստատված սոցիալական աջակցություն ստացող սահմանամերձ համայնքների բնակավայրերի ցանկում ընդգրկված բնակավայրերի ուսումնական հաստատությունների ուսանողները, ինչպես նաև այդ բնակավայրերում հաշվառված և վերջին հինգ տարում մշտապես այդտեղ բնակվող ուսանողները. 3) մարտական գործողություններին մասնակցած ուսանողներին. մարտական գործողություններին մասնակցությունը զինված ուժերի կազմում հավաստվում է Հայաստանի Հանրապետության պաշտպանության նախարարության զորակոչային և զորահավաքային համալրման ծառայության կամ ծառայության՝ քաղաքացու զինվորական հաշվառման վայրի տարածքային ստորաբաժանման (զինվորական կոմիսարիատ) կողմից տրամադրված տեղեկանքի հիման վրա կամ զինվորական հաշվառման գրքույկում համապատասխան նշմամբ, իսկ այլ զորքերի կազմում՝ համապատասխան լիազոր պետական մարմնի կողմից տրամադրված տեղեկանքի միջոցով. 4) երկու և ավելի անչափահաս երեխա ունեցող ուսանողներին. 5) պետության համար առաջնահերթություն և կարևորություն ներկայացնող մասնագիտություններով նպատակային ուսուցմամբ ընդունված ուսանողներին, ընդ որում՝ Հայաստանի Հանրապետության կառավարության որոշումներով կարող են սահմանվել նպատակային ուսուցմամբ ընդունված ուսանողների ուսման վճարի փոխհատուցման այլ պայմաններ: 15․ Սույն կարգի 14-րդ կետում նշված ուսանողներին ուսման վճարի փոխհատուցման չափը որոշելիս հաշվի է առնվում ուսումնառության առաջադիմությունը, ընդ որում՝ նախորդ ուսումնական տարվա արդյունքներով (առաջին կուրսում` նախորդ ուսումնառած կրթական ծրագրի ավարտական արդյունքներով). 1) միայն «գերազանց» և (կամ) «լավ» գնահատականներ ունենալու դեպքում՝ ուսման վճարի փոխհատուցման չափը կազմում է 70 տոկոս. 2) 75 տոկոսից ոչ պակասը «գերազանց» և (կամ) «լավ» գնահատականներ ունենալու դեպքում՝ ուսման վճարի փոխհատուցման չափը կազմում է 50 տոկոս. 3) 50 տոկոսից ոչ պակասը «գերազանց» և (կամ) «լավ» գնահատականներ ունենալու դեպքում՝ ուսման վճարի փոխհատուցման չափը կազմում է 30 տոկոս։
Դիմումները ներկայացնել կադրերի բաժին մինչև 06.09.2024թ.-ը ներառյալ:
Միջնակարգ /12-ամյա/ և հիմնական /9- ամյա/ կրթությամբ վճարովի ուսուցման համակարգ ընդունված դիմորդները մինչև ս/թ․ օգոստոսի 21-ը ներառյալ, պայմանագիր կնքելու համար, պետք է ներկայանան Առնո Բաբաջանյանի անվան պետական երաժշտամանկավարժական քոլեջ հետևյալ փաստաթղթերով
Մինչև 2024-2025 ուսումնական տարին ստացած հիմնական կրթության վկայականի կամ միջնակարգ կրթության ատեստատի /բնօրինակները/։
2024-2025 ուսումնական տարվա վճարովի համակարգի ուսման վարձը, ամբողջությամբ, կամ առաջին կիսամյակի չափով, հարկավոր է վճարել մինչև ս/թ․ օգոստոսի 29-ը ներառյալ։
Նշված ժամկետներում ուսման վարձը չվճարելու դեպքում, դիմորդը չի հրամանագրվի որպես ուսանող։