2026-2027 ուստարվա ընդունելություն

Մրցույթի արդյունքները

ՆԵՐԲԵՌՆԵԼ
Քննական պահանջները
Վարձաչափ
Ընդունելության տեղերը՝
   Հիմնական կրթությամբ
   Միջնակարգ կրթությամբ
Ընդունելության քննությունների ժամանակացույցը 

Հարգելի' դիմորդ

Երևանի Առնո Բաբաջանյանի անվան պետերաժշտամանկավարժական քոլեջ դիմում-հայտերի ընդունման ժամկետը երկարաձգվել է մինչև 2026 թվականի հուլիսի 31-ը ներառյալ ժամը 18։00՝ առցանց hayt-college.emis.am կայքում: Հայտերի լրացման ժամկետները բաց չթողնելու, նորություններին ծանոթանալու համար, խնդրում ենք հետևել քոլեջի ֆեյսբուքյան էջին՝  https://www.facebook.com/babajanyancollege և պաշտոնական կայքին՝ babajanyancollege.am։

Քննությունները կանցկացվեն հուլիսի 25-ից օգոստոսի 8-ը ներառյալ:

  Դիմում- հայտ ներկայացնելուց հետո, հայտագրման համակարգը կտրամադրի դիմորդին քննական թերթիկ, որտեղ նշված կլինի առաջին քննության օրը, հաջորդ քննական օրվա մասին կտեղեկանաք առաջին քննության օրը՝ քոլեջում։ Հարկավոր կլինի պատճենահանել քննական թերթիկը և դրանով համապատասխան օրը ներկայանալ քննության:

Քննության ներկայանալ քննաթերթիկում նշված ժամից 20 րոպե շուտ։      

           Քննության ներկայանալ՝ հայտագրման համակարգի hayt-college.emis.am կայք/ ձեր էջից տպված քննական թերթիկով /առանց քննաթերթիկի դիմորդը քննության մասնակցել չի կարող/, անձը հաստատող փաստաթղթով (անձնագրով, իսկ մինչև 16 տարեկան դիմորդը՝ ծննդյան վկայականով, եթե անձնագիր չունեք, կամ զինվորական գրքույկով, կամ ՀՀ ոստիկանության բաժինների կողմից տրված համապատասխան ձևով): Անհրաժեշտ է նաև ունենալ առանձին թղթի վրա գրված ձեր անուն, ազգանունը և մասնագիտական առարկայի կատարվող ծրագիրը /կոմպոզիտորը, ստեղծագործության անվանումը/։

Երգեցողության բաժնի դիմորդները պետք է անցած լինեն բժշկական ստուգում ֆանիատորի մոտ և տեղեկանքով ներկայանան մասնագիտության քննությանը:

 Քննությունների ժամանակացույցով նախատեսված օրն անհարգելի պատճառով քննությանը չներկայացած դիմորդին չի թույլատրվում մասնակցել հետագա քննություններին: Հարգելի պատճառով քննությանը չներկայացած դիմորդին, ընդունող հանձնաժողովի որոշմամբ, հնարավորություն է տրվում այն հանձնել, եթե տվյալ առարկայի քննությունները քոլեջում չեն ավարտվել:

Դիմորդը կարող է ներկայանալ իր նվագակցողի հետ (երկու անձ): Քոլեջը, դիմորդի ցանկության դեպքում, կտրամադրի նվագակցող:

Երգեցողության բաժնի դիմորդներին, ֆոնոգրամա օգտագործելու դեպքում, հարկավոր է ներկայանալ կամ սեփական նվագարկիչով, կամ կրիչով ( флешка), կամ CD սկավառակով: